فين الرجالة يا فرج
4:51 ص
إيهاب محروس
,
كل يوم تقريبا أجلس اتسامر مع فرج
وفرج يحدثني بأنه عمل وعمل والحمد لله رب العالمين هوه الوحيد اللي كان ناصح في الزمن الغابر وكان عارف إن كل ده هيحصل وبالتالي كل كلمة وكل موقف وكل همسة كان بيهمسها زمان نفعت دلوقتي وأصبح المعلم فرج بحق وحقيق ولا صوت يعلو علي صوته ولا حد يتنفس في وجوده
وفعلا حين تري فرج وتسمعه وهو يتحدث تشعر بحاجة غريبة
يا سلام يا فرج
الحمد لله ان عندنا فرج
وفي يوم دبت في الحتة خناقة ثلاث أربع رجالة فقط شايفين نفسهم شوية وبيتكبروا ويتجبروا علي رجالة الحتة استنيت فرج يشخط فيهم فيهربوا أو ينظر لهم فيرتعبوا
أو يظهر لهم فقط فيعتذروا
ولكن فرج لم يخرج إليهم وعندها نظرت إليه وصرخت فيه آمال فين الرجالة يا فرج
وتردد الصدي في الأفق
فين الرجالة يافرج
فين الرجالة يا فرج
فين الرجالة يا فرج
