رحلتي الفكرية من مدينة نصر للعباسية

رحلتي الفكرية

من مدينة نصر إلي العباسية

احترت كثيرا في العنوان
والحكاية ببساطة إني أردت الذهاب إلي رمسيس يوم الخميس الماضي
وطبعا إحنا عارفين المواصلات بتبقي فاضية خالص
المهم كنت عايز ألحق القطار 931 كالعادة
و931 بيتحرك في الساعة 8:10 مساءا
ولكي استطيع أن الحق هذا القطار بنزل من المكتب الساعة 6 مساءا إحتياطي أحسن المواصلات تبقي زحمة ولا حاجة


أما الخميس المنصرم فكانت هناك حكاية أخري
تعالوا نشوف حصلي إيه الخميس الماضي


وقفت انتظر أي وسيلة مواصلات تقلني إلي رمسيس
تمر عليك حافلة تلو أخري فثالثة ولاتجدها إلا ممتلأة هما جابوا الناس دي كلها منين مش عارف


وطال الانتظار للحافلة الموعودة التي تقلني لألحق بالقطار
حتي إذا استبد بي القلق سمعت أحد ينادي
رمسيس رمسيس !!!!
لأ طبعا
كان بينادي نادي السكة نادي السكة
قلت أهو أي خطوتين والسلام ومن هناك أكيد إن شاء الله هلاقي أي حاجة تذهب بي إلي رمسيس
المهم ركبت
طبعا السيد المحترم رئيس مجلس الميكروباص طلب أجره one pound
جنيه نعم لحلوح من بتوع زمان إيام العز لما كان الجنيه لا تراه الناس إلا في الاحلام


ركبت ونزلت عند نادي السكة
وعند نادي السكة إن حد يقول رمسيس أبدا
حتي أخذت الظنون تأخذني هل هناك شيئ سيء هناك في رمسيس
ومش عارف الناس من بعد ماشالوا رمسيس من الميدان والناس بتستخف بيه ليه
آه راحت هبته بعدما اتنقل من ميدانه
وكنت بتسائل إيام لما شالوه من مكانه طيب ياربي هما شالوه ليه من الميدان
وكان خطر لي إنهم هيحطوا إبنه مكانه
المهم


بعد فترة من الزمان
طبعا وأنت بنتظر الوقت بيلعب معاك لعبته


سمعت حد بيقول العباسية
قلت وماله ياخوي هو ده فيه حاجه غلط
عباسية عباسية
أهي أحسن من العيشة ديه


ركبت العباسية
وسألت السيد وزير الميكروباص
الأجرة كام قال نصف لحلوح
نصف جنيه
بحاله


دفعت طبعا أنتم عارفين كل وزير ميكروباص بيحدد التعريفة اللي تناسبه وفقا لاختصاصه


هل ممكن نلاقي من العباسية حاجة تأخذ الهاي واي ونروح مباشرة إلي رمسيس آه يارمسيس يا أخوي
ده اللي ها نعرفه حالا


وأنا في العباسية
طبعا مشيت مسافة صغيرة لحد ما اروح لمكان اركب منه
وهناك بعد فترة سمعت غمرة غمرة
ركبت طبعا ماأنتم عارفين لكي تعبر عبر ثلاث أو أربع قارات من مدينة نصر لحد رمسيس لازم تغير الركوبة


ركبت لحد غمرة بنصف لحوح
ومن غمرة لرمسيس بنصف لحلوح


من غمرة لرمسيس كان جو ثان من الرحلة
إذ قرب النهاية بتحكم القفشة وتتسارع الاحداث


السيد وزير الميكروباص، الناس بتعطي له الاجره فضه
وقال احد الزبائن (قصدي السائحين في هذه الرحلة عابرة القارات الاربع – مدينة نصر – نادي السكة – العباسية – رمسيس )
تصدق إن واحد أعطاني عشرة جنيه فضة
فرد عليه السائق وقال طيب أنا واحد أعطاني 30 جنيه فضة
عندها لم أتمالك نفسي من الضحك وقلت لهم
أعطوني كيس النقود
هل هذا ما أرادت الحكومة الموقرة فعله لتنشيط الاقتصاد ومعالجة الأزمة المالية
وهي أن يحمل الناس معهم بعد ذلك كيس للنقود


علي العموم هذا أحسن من الفيزا اللي خربت بيوت الامريكان
وبرضه هذا تصرف حكيم
لأن اللي هينسي كيس النقود بتاعه في البيت مش هيشتري حاجه وبالتالي يدخر ويوفر ويتحسن دخل الفرد


وطبعا انا لا ألوم السادة وزراء الميكروباص ورؤساء مجلس إدارتها في سياستهم لزيادة دخلهم
وتحسن الاقتصاد بدل ما تركب مواصلة واحدة وتدفع لحلوح مصري وربع تدفع 2جنيه ونصف في اربع مواصلات لخط واحد
فإنها سياسة حكيمة طبعا


وفكرني ذلك بأن هذا ما تفعله الحكومة طوال الوقت لتحسين مواردها
ألم يفعل ذلك السيد الدكتور أحمد نظيف حين كان وزيرا للاتصالات
بعد ما كان المواطن المصري بيدفع فاتورة تليفون واحدة كل سنة باشتراك واحد
صار يدفع 4 فواتير باربع اشتراكات
وطبعا كلما شركة المصرية للاتصالات تحب تزود أرباحها ترفع التعريفة
بالضبط زي سائق الميكروباص


عفارم عفارم
اهو ده الكلام التمام لتحسين الاقتصاد
طبعا واحد هيقول ياعم كنت ركبت تاكسي وريحت نفسك
شايفك وهرد عليك بس في وقت تاني
نتكلم عن السادة رؤساء التاكسي
مع الاعتذار للدكتور المسيري رحمه الله فالعنوان شطره مقتبس من كتابه الرائع

رايحة فين يا مصر ؟؟؟

من اسبوع أو اكثر أول مأذونة في مصر
واليوم أول عمدة إمرأة في مصر
وبكره ؟؟؟؟؟
يا تري مصر رايحة لحد فين !!!!!!!!!!!!!!!

معونة مصر لاسرائيل

وقف القضاء المصري الشامخ البطل في زمن الهزائم
وقفته المشهودة
وأعلن في حزم أن الحكومة المصرية التي تدعم اسرائيل ووجودها بالغاز الطبيعي المصري المدعم
( في حين رغبتها في رفع الدعم عن الشعب المصري )
الذي تبيعه لها بما يقارب دولار أو اكثر قليلا في حين نستورد نحن بما يعادل 16 دولار ( وهو ما يمثل مليار دولار فرق بين السعرين)
مع العلم بأن مخزونا يتضائل وكده كده هنشتري فلا يوجد داعي أصلا للتصدير
ناهيك عن الوضع المأساوي لأخونا في فلسطين

بأن هذا الفعل باطل

فلله درهم من قضاة

(هي الحكومات دي بتيجي منين ؟؟؟؟؟ )

وسمعت إن الحكومة هتستأنف
أي أن الرغبة في دعم إسرائيل رغبة أكيدة وتمثل خط استراتيجي مش غلطة وندمان عليها علي رأي اسمه إيه

حفاوة بوش في قمة العشرين

أحزنني جدا تلك الحفاوة التي أحتفي بها بوش بالملك السعودي
تلك الحفاوة والتربيت علي الظهر الذي أظهرته وسائل الاعلام
لا يعني إلا شيئ واحد
حفاوة رجل قد استبد به الخوف والقلق والجوع برجل قد وعد بإحضار الطعام
فهل تتحمل السعودية مصاريف العشاء الفاخر لوليمة الانهيار الامريكي والعاصفة المالية
سؤال
أجابتنا عليه الصحف ووسائل الاعلام المختلفة
من أن المملكة العربية السعودية
ستضخ 400 مليار دولار
في ....

الله المستعان

موت الفرعون


موت الفرعون

كانت تمر علي هذه الآية دون أن أقف بها وهي " اليوم ننجيك ببدنك لتكون لمن خلفك آية"

هلك فرعون غرقا في اليم ولكن الله أراد أن ينجي بدنه حتي تكون آيه لمن بعده
وهاهو الزمان يطل علينا بموت أكثر من فرعون
يموتون ولكن تظل الاجهزة تبقي قلوبهم تعمل
لا هم موتي ولا هم أحياء
وما هذا إلا عظة وعبرة وآية

فهل يتعظ الفراعنة بموت الفرعون

لعنة الفراعنة !!!


لعنة الفراعنة !!!

تكلم أنيس منصور عن لعنة الفراعنة في أحد كتبه نسيت اسم الكتاب وكان فيه ان السفينة تيتانك اللي غرقت كان فيها مومياء مصرية وإنه ربما- أو جزم هو نسيت برده هو قال ايه بالضبط – كان غرق السفينة بسبب لعنة الفراعنة
طبعا كلام لا يفسر ولا يشرح يعني إيه لعنة الفراعنة

في الاسبوع الماضي ركبت القطار مسافرا إلي طنطا بلد الأونطة
أخرجت كتاب كنت أرغب في قراءته ولكني كنت مرهق فلم استطع القراءة فأرجعته إلي مكانه في الحقيبة ثم اخذت اقول بعض الاذكار التي تخفف من الالام
وكل الاذكار لها مفعول غير عادي لمن يتدبر ويتمرس بها

وبعد برهة استعدت نشاطي وكان بجواري أحد الشباب لديه جريدة
مش مهم جريدة إيه كلهم شكل بعض يصلحون للف السندويشات
طبعا هناخذ بالنا بعدم استعمال الاوراق المكتوب عليها اسم الله أو آيات من الكتاب الحكيم
المهم بدأت أقرأ في الصحيفة

كان هناك مقال عن أيمن نور وإنه اتبهدل في السجن وصحته باظت خالص وكلام من هذا القبيل
عرفت ساعتها يعني ايه بقي لعنت الفراعنة

إشاعة

إشاعة
إشاعة
إشاعة

الاشاعة هي خروج كلام غرضه التشويش وإحداث البلبلة
طيب جميل هذا كلام عام عن الاشاعة مثل الاشاعة عن سمعة أحد رجل كان أو إمرأة

ولكن عندما تكون الاشاعة عن صحة شخص ما ،
يستطيع في أي لحظة ان يخرج هذا الشخص
ويكرع امام الناس ويقول صحة وعافية وفرخة دافية واللي يكرهني تجيله الكافية

فمن يستطيع إذن ان يصنع تلك الاشاعة ؟

حرائق مصر

حرائق مصر

في الفترة الاخيرة أصبحت الحرائق ظاهرة
حريق مجلس الشوري
حريق المسرح القومي
حرائق القطارات
حريق سيتي ستارز
حريق مصانع النسيج بالمحلة
حريق مصنع النساجون الشرقيون
هذه آخر حرائق علقت بذهني لم استقصي ولم أبحث
تري ماهي مدلولات تلك الحرائق
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاسباني

الاسباني

ركبت يوم الخميس آخر خميس في رمضان القطار الاسباني ميعاد 12 ظهرا
طبعا الاسباني قطار فخم وتذكرته غالية والخدمة فيه
تعالوا نشوف الخدمة فيه
تحرك القطار وبعد فترة من تحركه وجدت درجة الحرارة مرتفعة ، المفروض فيه تكييف سألت أحد العاملين بالقطار عن التكييف وقلت له انه لا يعمل في هذه العربة ، فبشرني بأنه مقطوع من القطار كله ، قلت الحمد لله ليس العربة التي أنا بها فقط بل القطار كله ، أهو المصيبة لما بتعم بتخف
ولكن بعد فترة اشتغل التكييف قلنا الحمد لله أهو ده الكلام ولا بلاش اسباني ورمضان لازم يبقي فيه تكييف

وبعد فترة أخري ليست طويلة وقف التكييف عن العمل مرة أخري وعندها كان السيد المحترم الكمسري موجود بالعربة يري تذاكر الناس
ولما اشتد الحر في القطار قلت له ألا يعمل التكييف
وفي هذه الاثناء أخذ صوت الناس يعلو شيئا فشيئا
الحر أصبح شديد
فرد عليهم إنه عايز يشوف شغله ألا وهو رؤية التذاكر أما التكييف فهذه مش قضيته

المهم قبل محطة طنطا بشوية اشتغل تاني التكييف
قلت جايز بيوفروا طاقة عشان لما يحتاجوها في المشروع النووي بتاعنا

هذا موضوع التكييف وخلصنا منه
تعالوا بقي نشوف حاجة جميلة خالص
القطار بعد فترة من سيره لاحظت إنه هدي من سرعته ووجدت واحد لابس جلابية بيضاء
يبدو عليه أنه من الارياف التي تبعد عن القاهرة يهرول هو وزميل له ويتحدثان
أحدهما يقول هيقف والثاني يقول لا مش يقف
وفعلا بعد برهه وقف القطار أو كاد طيب ليه وأول محطة له طنطا
عشان فيه واحد لابس جلابية من الارياف عايز ينزل
أنا باتكلم عن القطار الاسباني مش ......

وهذه قصة الاسباني يوم الخميس آخر خميس في رمضان ميعاد 12 ظهرا

إعلانات في إذاعة القرآن الكريم


إعلانات في إذاعة القرآن الكريم

إنا لله وإنا إليه راجعون

اليوم سمعت إحدي الأعلانات علي إذاعة القرآن الكريم وهذا نذير شؤم وشيئ خطير جدا ان يتحول الحصن الحصين وخط الدفاع الأول إلي مذبلة تضع فيها الشركات نفاياتها التي لا تصلح للاستخدام

ولا يلجأ إلي ذلك إلا شركات فاشلة ويروجون لمنتجات فاشلة إذ يستغلون بساطة الانسان المسلم
ويلعبون علي وتر التدين وحب الدين والقرآن لبيع منتجاتهم

ولن ينجحوا أقولها مستبقا التاريخ
كل من يعلن في تلك الاذاعة أبشره بالافلاس والاغلاق والله حسبنا ونعم الوكيل

يا من ذهبت لتدنس ذاك الجو الروحاني القرآني بدنس البيع والتجارة
أبشر بخراب بيتك وكساد تجارتك

قال الله علي لسان كل الرسل " لا أسألكم عليه أجرا"

الدين الدعوة الاسلام لا ياخذ عليه أجر وما أصابنا اليوم من وجود دعاة البزنيس علامة خطر يجب التكاتف للوقوف أمامها

اللهم بلغت اللهم فاشهد

دوللي

سمعت محاضرة لاحد الدعاة المشهورين
تكلم فيها في المقدمة عن العلم وإنجازاته والاتصالات والتكنولوجيا عظيم جداُ
ثم أكمل حديثه بالسخرية من العلم وما يصل إليه وسخرمن الانسان إذ أنه حقير ولا يستطيع أن يعرف كيف يبول
وذكر النعجة دوللي مستهجنا من الجينات والاستنساخ وغيرها


ماذا يترك كلامه من أثر في النفوس ؟؟؟؟؟؟؟؟؟؟؟؟؟


نعم يترك احتقار العلم الذي لا يستطيع أن يفسر كيف يبول الانسان

وهذا ما عليه حالنا

وإنا لله وإنا إليه راجعون

هناك فرق بين العلم ، وبين تطبيقاته واستخداماته فلا يحقر من العلم أن استخدمه الكفار في شيئ خطأ أو خلاف الاولي
بل نحن الذين يقع عليهم اللوم اذ تخلفنا وتركنا للكفر وأهله قيادة الارض وإعمارها والخلافة فيها

طبيعي أن من يذم العلم بهذا الاسلوب المقنع

يمدح الشباب الذين يبيعون الشاي علي الرصيف أو الترمس أو غيره
أهذا ما يرضينا من شباب الامة أن يبيعوا أي حاجة علي الرصيف


استفيقوا يرحمكم الله

رحم الله سلفنا الصالح حين فرقوا بين الزاهد العابد الناسك وبين من يحمل عنه العلم والحديث

لكل مقام مقال

والامة تحتاج إلي مراجعات شاملة في كل الميادين في الدعوة والعلم والسياسة والاعلام و,,,

إذ واقعنا اليوم الذي نحياه ما هو إلا نتيجة لهذه الترهات التي تمارس من سنوات عديدة ولم أبعد النجعة إذ قلت من قرون
فالله المستعان

الإعجاز ورسالته المفقودة

مع حبي للدكتور زغلول النجار حفظه الله
إلا ان هناك ملاحظة في غاية الاهمية ليست له فقط بل لكل الذين يتكلمون في الاعجاز العلمي للقرآن والسنة
ليس غرض الاعجاز مصمصة الشفاة
إنما الاعجاز آيات علي صدق الله وصدق رسوله في زمن التبجح والجهل والكبر والاعراض
لذا وجب علي من يتكلم عن الاجاز أن يعقب علي ما يقوله من اعجاز علي ان من هذا كلامه أيعصي ايترك خلقه هملا بدون قانون ودستور يحكمهم ، ان يكون شرعه صالح لزمان دون زمان ، من يصف الكون ويعلم كيف يكون وما كان ومالم يكن لو كان كيف كان يكون
أيعطي الناس شرعا قاصرا يستطيع الانسان ان يصل إلي ما هو أحسن منه
حاش لله
تلك هي رسالة الاعجاز المفقودة
وهي ملاحقة فلول العلمانين الهاربة حتي تبيدهم عن بكرة أبيهم
يا من تتشدقون بفصل الدين عن الدولة أين كنتم يوم أن ذكر الله في كتابة من قرون عديدة عما سيصير إليه حال الناس

وصدق الله أأله مع الله

سف التراب

كان يقول ابن القيم رحمه الله أن شيخ الاسلام ابن تيمية حبيب إلينا لكن الحق أحب إلينا
كان يقول ذلك إذا ظهر له ان الحق في خلاف كلام شيخ الاسلام لذا

كثيرا ما يقول أحد المشايخ عندما يتكلم عن طلب العلم او طالب العلم أنه سيسف التراب في طلب العلم
وهذه المقولة لا يسمعها إلا أحد رجلين رجل هو طالب علم فيعلم أنها كلمة زائفة لأن حلاوة ولذة طلب العلم يعرفها من ذاقها وأنها أحلي من أي شيئ آخر حتي أن كان من السلف من يستكثر أن يعطيه الله الأجر والثواب علي طلب العلم مع ما فيه من لذه
وكلام الشافعي في طلب العلم معروف مشهور وفيه أن لذه العلم وطلبه والسهر في تحصيله أفضل من لذة العناق للمعانق

ومن يجرب لذة المتع كلها ويفضل طلب العلم عليها قوله مصدق

وأما الرجل الثاني الذي يسمع هذه المقولة هو رجل لا يعرف شيئ عن طلب فهذا تصده تلك المقولة عن أن يتجشم الطلب ليتذوقه

نعيش في واقع أليم آن لنا أن ندقق في كلماتنا وألفاظنا وعادتنا التي ربما صدت الناس أو أخرت عودة امتنا إلي سالف عهدها ومجدها

هيرمس يوصي بشراء اسهم خليجية


دبي (رويترز) - قال البنك الاستثماري المجموعة المالية- هيرميس يوم الاحد ان تقييمات الاسهم العربية الخليجية "جذابة جدا" ونصح عملاءه بجمع الاسهم وخاصة في الامارات وقطر والسعودية.
وقال البنك ان سهمي سابك وارابتك والبنك العربي الوطني تتصدر الاسهم التي يوصي بها.
وذكر البنك في مذكرة للعملاء ان "العوامل الاساسية سليمة ونحن نتوقع اعلان نتائج ارباح قوية في اكتوبر القادم."
واضاف "في حين اننا لا يمكن ان نستبعد تماما مزيدا من ضغط البيع فاننا نعتقد ان المستويات الحالية تقلل خطر التراجع بصورة خاصة للامارات وعمان."
...........

ده كلام يزعل

تربية وطنية

في الاجتماع اللي حضره السيد الرئيس بخصوص التعليم طالب بوجود التربية الوطنية في مناهج التعليم
طبعا ده كلام جميل

لكن اللي يزعل إنه كان بيسأل عن التربية الوطنية هل هي موجودة ولا لأ في مقررات التعليم؟؟؟؟
حد عارف

هشام طلعت مصطفي

لو إن هشام طلعت مصطفي طلع براءة بعد كل اللي حصل والمهرجانات والناس اللي خسرت فلوسها في سهم مجموعة طلعت مصطفي
أهه ده بقي يبقي كلام يزعل

بكين 2008

من الكلام اللي يزعل نتيجة بكين 2008
الغريب إنه كان عندنا ناس جابت ذهب 2004
ايه اللي حصل
الظاهر إحنا مانستهلش حاجه والناس عرفوا غلطتهم في 2004 وعوضوها في 2008

بشير والاتصالات

الاتصالات بترخص في كل الدنيا حتي في مصر
إلا المصرية للاتصالات تجد الاشتراك بزيد
ليه مش عارف؟
جايز عشان يحافظوا علي الارباح يغلوا الخدمة
والعجيب لما يحبوا يقولوا أخبار جيدة عن السهم بيقولوا إن بشير العقيل هيسافر يسوق للسهم بره
وكأن السهم هو السلعة مش الخدمات
واللي سمع الحوار اللي دار في 90 دقيقة يعرف إن الاستراتيجيات متهالكة

رؤية الهلال والمناسبات الدينية

في أول رمضان كان هناك حفل لرؤية الهلال ، وقبل ما أقول الكلام اللي يزعل عايز أقول أن وجود الدكتور محمد فريد واصل في الحفل كان حاجة جيدة لان هذا الرجل أدين لله بانه كان من الائمة الذين نحسبهم علي خير والله حسيبه

أما الحاجة اللي تزعل
هي عدم وجود السيد الرئيس في هذه المناسبة الجليلة ، بل وفي المناسبات المشابهة
مع العلم بأنه كان يحضر كأس الأمم الافريقية
هل الكورة أهم من الدين والمناسبات الدينية
أم أن هذا كان من فترة والسن له حكم
علي العموم ربنا يديلوه الصحة ويطيل عمره في الخير

powered by Blogger | WordPress by Newwpthemes | Converted by BloggerTheme | Blogger Templates | Best Credit Cards